kipe y’Igihugu Amavubi yazamutse imyanya 14 ku rutonde ngarukakwezi rwa FIFA iva kuwa 121 igera kuwa 107 nyuma yo kwitwara neza inganya na Ghana iwayo.
Ku rutonde ngarukakwezi rw’ukwezi rwa Nzeli 2016, rwashyizwe hanze n’ishyirahamwe ry’umupira w’amaguru ku Isi, FIFA, kuri uyu wa Kane tariki ya 15 Nzeli, u Rwanda rwazamutse imyanya 14, rugera ku mwanya w’107.
Mu kwezi gushize u Rwanda rwari rwatakaje imyanya 8, ruba u rw’i121, rwamaze gusubirana imyanya 14, rugera ku mwanya w’107 ku Isi.
Kuzamuka kuri uru rutonde, u Rwanda rurabikesha kunganya na Ghana igitego 1-1 mu mukino wabereye i Accra, mu gihe iyi Ghana yatakaje imyanya 8, igera ku mwanya wa 43 ku Isi.
Uyu mwanya u Rwanda ruwugarutseho ruwuheshejwe n’umutoza w’umunyarwanda Jimmy Mulisa dore ko uwo yari yungirije Jonathan McKinstry yirukanwe mu kwezi gushize kubera umusaruro muke.
Ibihugu 5 bya mbere ku Isi:
1.Argentine
2.Ububiligi
3.Ubudage
4.Clombia
5.Brazil
Ibihugu 5 bya mbere muri Afurika
1. Cote d’Ivoire (34)
2. Algeria (35)
3. Senegal (39)
4. Tunisia (42)
5. Ghana (43)
PAX PRESS
