Yashyizweho kuri 6 November, 2017 | 12:48

Cyeru: Bata ishuli bakajya gukora muri Uganda

Mu murenge wa Cyeru, mu Karere ka Burera, mu ntara y’amajyaruguru bamwe mu banyeshuli bata amashuli abanza n’ayisumbuye, bakajya gukora imirimo muri Uganda.Ibi ngo babitizwamo umurindi n’ “abakomisiyoneri“.

Bamwe mu bana bo mu murenge wa Cyeru bahitamo kureka ishuri bagana iya Uganda gushaka amafaranga. Kuko baba bageze igihe cy’ubugimbi. Ababyeyi babo bavuga ko bigoye ku barinda ku tagenda kuko bitashoboka ko birirwana aho bari hose. Ngo baba bakoze inshingano zabo nko ku baha uburere bwiza ariko bakanga bakananirana. Kuri bo igituma benshi bata amashuli ni ukurarikira gukorera amafaranga bakiri bato, akaba ari nabyo bituma bajya muri Uganda.

Iki kibazo kigaragarira mu mubare mu w’abasore n’inkumi babaye inzererezi mu gace ka karambo, kegereye hafi y’uyu murenge. Abana benshi bavuga ko impamvu nya mukuru ibibatera ari ubukene. Gusa ababyeyi ntibemeranywa na gato n’ibyo abana babo bavuga ahubwo ngo kuva mu ishuli kwabo babiterwa n’ingeso mbi z’uburara ndetse n’ubwigomeke.
Ubuyobozi bw’ibanze bwemeza ko iki kibazo cyo guta amashuli cyatijwe umurindi n’abantu babashuka ngo bazabarangira akazi keza, kandi bagamije ku bacuruza. Ibi byemezwa n’umunyamabanga nshingwabikorwa w’umurenge wa Cyeru, Nzeyimana Theogene“ hari ikibazo twagize cy’abantu bavuye Uganda baza gushuka abana ariko amahirwe twagize bagarukiye I Gatuna, bari batwaye abana batatu ariko baragarutse"

Ibi bisobanurwa n’umuyobozi binemezwa kandi n’abaturage bamaze kubura abana babo muri ubu buryo, kuko basobanura ko hari abantu bakora akazi ko gushakisha abana bajyana. Bamwe mu babyeyi bahuye n’iki kibazo batanga n’ingero za bamwe mu bantu bazwi nk’abakomisiyoneri. “ abo bantu batubwira ko bagiye kubarera,ariko twamenye ko baba bagiye kubagurisha. Umwe muri bo yaduhaye na nimero ze ngo tujye tumuhamagara ni we shefu wabo kandi turamuhamagara ntadufate “

Umuyobozi w’umurenge wa Cyeru mu Karere ka Burera kuri we yemeza ko uruhare runini rufitwe n’ababyeyi kugira ngo abo bana basubire mu ishuli. Minisiteri y’uburezi mu Rwanda iherutse kuvuga ko abarezi, ababyeyi n’inzego zibanze bose bakwiye gushyira hamwe kugira ngo abana bava mu ishuli ntakindi kibazo bafite bacike burundu.

Hategekimana Innocent/Stagiaire


Tanga igitecyerezo

Who are you?