Yashyizweho kuri 23 August, 2016 | 10:12

RCN J&D: Guhugura abunzi ni no gufasha abaturage kumenya uburenganzira bwabo

Nubwo atari abacamanza ariko abunzibahura n’ibibazo birebana n’mategeko. Kandi kuyamenya si bibi. Uretse n’ibyo guhugura abunzi no no guhugura kuburyo buziguye ababagana kuko basobanurirwa ibyo amategeko abagenga agena iyo babitabaje. RCN J&D, isanga ari ingirakamaro guha amahugurwa ahoraho abari muri uru rwego.

Kuva hagati mu kwezi kwa Kanama kugea mu mpera zako Umuryango RCN Justice &Democratie urahugura abunzi mu rwego rwo kubongerera ubushobozi. Abagezweho ni abo mu turere twa Burera, Gicumbi,Ngororero, Nyabihu na Nyrugenge.
Hugo Moudiki Jombwe, uhagarariye RCN mu Rwanda atangaza ko aya mahugurwa azibanda ahanini mu gusobanurira abunzi kumenya gusomana ubushishozi inyandikomvugo z’ ibirego by’ abaturage ndetse n’ amategeko abunzi bashobora kwifashisha n’ inzira bacamo mu rwego rwo gukemura amakimbirane y’ abaturage.

Inyigo yakozwe n’ uyu muryango muryango RCN J& D yerekanye ko kwegereza abunzi ibikoresho bya ngombwa no kubahugura bituma bakemura ibibazo by’ abaturage bikomeje kwiyongera uko bucyeye bityo bakabana neza. Ibi kandi bifasha n’inkiko z’ibanze zari zisanzwe zakira ibirego byinshi.

Akarusho ni uko iyo abunzi bahuguwe neza bajijura abaturage ku bijyanye n’ amategeko ndetse bakanabigisha kumenya uburenganzira bwabo n’ inzego z’ ubutabera bakwiyambaza mu gihe bibaye ngombwa. Bwa mbere amahugurwa y’ abunzi bo mu tugali n’ uturere yabaye ku italiki ya 7 kugeza ku ya 29 Kamena 2016.
Muri rusange icyo gihe hahuguwe abunzi 888 mu rwego rw’ utugali ndetse na 444 mu rwego rw’ imirenge mu turere 5.

Abunzini urwego rukomeye. Nk’uko Me jean Pierre Hitababyaye Umunyamategeko akaba n’ushinzwe ubukangurambaga mu baturage mu muryango RCN abivuga, ni urwego ruhabwa ububasha n’itegeko. Ati” ni abantu bakomeye. Bafite inshingano zizwi kandi bahabwa n’itegeko.” Kubahugura rero ni uguha agaciro umurimo bakorera igihugu ndetse no kubafasha kuwunoza kugira ngo batange serivisi nziza.

Ubu itegeko rigenga abunzi rishya rirategerejwe. ribagabanyiriza ububasha ku ngingo zimwe na zimwe aho hari ibyo bakemuraga nyamara biri mu manza nshinjabyaha. Ibi ngo si ukubagabanyiriza agaciro nk’uko minisiteri y’ubutabera ibitangaza. Ahubwo ni ukubafasha gukora neza ibyo bashinzwe hatabayeho kungongana n’izindi nzego.

Uyu mushinga watangiye muri 2015 uzarangira muri 2018. Umuryango RCN umaze imyaka irenga 20 ukorera mu Rwanda ukaba ufite intego yo guharanira iyubahirizwa ry’uburenganzira bw’ ibanze bwa muntu ari bwo ubutabera n’ iyubahirizwa ry’amasezerano mpuzamahanga u Rwanda rwashyizeho umukono.

Mukase Francine


Tanga igitecyerezo

Who are you?