Yashyizweho kuri 18 January, 2017 | 12:44

Kibeho: Bahangayikishijwe n’indwara ya malariya yiyongereye

Inzitiramibu zishaje ziri mu byongera indwara ya Malaria i Kibeho. Bamwe bahitamo kuzidoda abandi bakararira aho. barasaba ko bagezwaho inzima byihuse.

akaba batarabona izindi. Nyirandikumana Odette utuye mu kagari ka Mubuga, avuga ko iyi ndwara yiyongereye cyane, ibi bikaba ngo biterwa n’uko usanga abantu benshi nta nzitiramibu bafite, bityo bakarariraho ntazo bashyizeho. aTI "ubu iyo iyo ugeze kwa muganga usanga abantu bahuzuye,bose bataka indwara ya malariya,ari abari mu bitaro,cyangwa n’abandi baje kwivuza usanga abenshi baje babasanzemo malariya."

Uretse umugore utwite inda ya mbere ,ndetse n’ugiye gukingirwa amezi icyenda, aribo bonyine bahabwa inzitiramibu. Niyonsaba Angelique, we avuga ko inzitiramibu zabasaziyeho, n’uwo wasanga ayifite iba yaracitse,bakaba baherukaga kuzihabwa cyera. Kabakesha Anonciata ,umwe mu bajyanama b’ubuzima bo muri uyu murenge, avuga ko inzitiramibu abaturage bafite ari izatanzwe muri rusange mu mwaka wa 2012, izi rero ngo zarashaje cyane akaba ariyo ntandaro yo kwiyongera kwa malariya.

Iki kibazo ngo kirazwi

Munganyinka Revocatte umunyamabanga nshingwabikorwa w’akagari ka Mubuga, avuga ko Malariya yiyongereye kubera impamvu ebyiri, iya mbere ngo ni uko nta nzitiramibu baheruka,kuko izo bafite zishaje.Ikindi ngo ni uko habaye ihinduka ry’ikirere ubushyuhe bukiyongera, bityo bigatuma malariya yiyongera.
Gusa avuga ko habaye amabarura,ndetse n’ushinzwe ubuzima rusange ku kigo nderabuzima,yamubwiye ko ziri hafi kuboneka,bityo bategereje ko inzitiramibu zihwana n’umubare w’abaturage hanyuma bakazibaha.(ubu zatangiye gutangwa hose mu gihugu Ndlr).

Gusa ngo mu gihe zitaraboneka, bakangurira abaturage gukura ibihuru biri hafi y’ingo zabo ndetse n’ibizenga by’amazi,kuko ariho imibu yororokera,ndetse n’uwafashwe akihutira kujya kwivuza. Mu rwego rwo kugabanya indwara ya Malariya,Leta y’u Rwanda yashyizeho ingamba nyinshi zitandukanye,harimo guha amahugurwa abajyanama b’ubuzima, yo gupima ,gusuzuma no kuvura indwara ya malariya ku bana ndetse n’abakuru.

Leta kandi yashyizeho gahunda yo kuvura iyi ndwara ku buntu,ku baturage batishoboye bari mu cyiciro cya mbere n’icya kabiri,ndetse no gutanga inzitiramibu ku buntu,ku baturage bose,n’ubukangurambaga butandukanye bugamije kwirinda no kurwanya iyi ndwara ya malariya.

Uwambayinema Marie Jeanne


Tanga igitecyerezo

Who are you?