Yashyizweho kuri 21 May, 2016 | 13:36

Nyagatare: Abambuwe ubutaka batangiye kubarurwa ngo batuzwe

Imiryango ituye umurenge wa Rwimiyaga, Matimba, Musheri na Tabagwe igera ku 2000, ubuyobozi bw’akarere ka Nyagatare bwatagiye kuyibarura kugira ngo bashakirwe aho batuzwa ku batarabona ingurane y’amafaranga y’ubutaka bwabo. Ni nyuma y’uko amasambu yabo yagaragaye ko akorerwamo ibintu bitajyanye n’igishushanyo mbonera cy’umugi wa Nyagatare.

Imiryango isaga 2000 ituye mu karere ka Nyagatare itagira aho ituye yatangiye kubarurwa kugira ngo ishakirwe aho ituzwa.

Imwe mu miryango ituye umurenge wa Rwimiyaga, Matimba, Musheri na Tabagwe igera ku 2000, ubuyobozi bw’akarere bwatagiye kuyibarura kugira ngo bashakirwe aho batuzwa ku batarabona ingurane y’amafaranga y’ubutaka bwabo.
Bamwe mu baturage batuye mu karere ka Nyagatare bambuwe ubutaka bwabo babwirwa ko ibyo bahakorera bitajyanye n’igishushonyo mbonera cy’ikigo cy’igihugu cy’ubutaka ubuyobozi bw’akarere bwatangiye kubabarura kugira ngo bashakirwe aho batuzwa nyuma y’aho umukuru w’igihugu asabiye ubuyobozi bw’Intara ko bwakurikirana icyo kibazo kikava mu nzira.

Umuyobozi w’akarere ka Nyagatare Mupenzi Georges yavuze ko imiryango yasenyewe imaze gusubizwa amafaranga y’ingurane ari 155 yose hamwe akaba ari miliyoni 62 n’igice.Icyo gikorwa cyo gusubiza abahinzi batuye ahagenewe ubworozi nyuma yaho umukuru w’igihugu akimenyeye agasaba ko ubuyobozi bw’Intara bwafatanya n’izindi nzego bakagishakira umuti iki kibazo.

Mupenzi avuga ko nyuma yo gusabwa gukurikirana icyo kibazo kikarangira akarere gafatanyije n’abandi bayobozi bireba bakoze uko bashoboye kugira ngo abatarabonye ingurane bahabwe aho batura kimwe nk’abandi banyarwanda batuye akarere muri rusage.

Bamwe berekeza Uganda na Tanzaniya

Mupenzi yakomeje avuga ko abaturage bajya mu bihugu by’abaturanyi akeka ko icyabajyanyeyo atari uko bambuwe ubutaka bwabo ahubwo ari ukujya gushakayo akazi kuko n’ubundi biriya bihugu ni urujya n’uruza, nk’uko abakuru b’ibihugu bya Africa y’Iburasirazuba babisinyiye mu masezerano bagiranye ko buri muturage utuye ibyo bihugu yemerewe kujya aho ashaka kuhashaka akazi n’ibindi bishobora kumutunga.

Umwe mu baturage wambuwe ubutaka bwe yari yaraguze amafaranga miliyoni 2 avuga ko akimara kwamburwa ubutaka bwe we n’umuryago bahise bigira mu gihugu cya Uganda kuko kujya gushakira abana be ibyo barya kuko yabonaga mu Rwanda atashobora kubatunga nta hantu ho kubahingira afite.
Ati “nkubu mfite abana batanu n’umugore ubwo se uwo muryango nawe kuri umunyarwanda urumva nabatungira he koko? Ibaze gukodesha inzu yo kubashyiramo nkabashakira n’icyo barya? Ndi umufundi nta kandi kazi ngira ubwo se nashobora kugaburira uwo muryago nkanigisha abana koko nkabishobora? Nahisemo kwigira I Bugande kubera iyo mpamvu kandi ho byibuze usanga ubuzima bworoshye kuruta mu Rwanda”.

Akomeza avuga ko nyuma yo kumva umukuru wigihugu asabiye abayobozi gukemura ikibazo cyabo yahise yambuka aragaruka az akumva icyo ubuyobozi buzabamarira. Ariko umuryango we wo wasigaye I Bugande.

Safi Emmanuel


Tanga igitecyerezo

Who are you?