Yashyizweho kuri 15 March, 2018 | 17:28

Gitega: Umudugudu wa Nyenyeri washyizweho icyapa cyerekana ko ari uwanyuma mu isuku

Mu gihe umujyi wa Kigali washyizeho amabwiriza mashya asimbura ayo mu 2011, agamije guca burundu umwanda, nibyo abantu bakwiye kwirinda kugira ngo bahashye umwanda, mu murenge wa gitega mu kagali ka kabahizi, umudugudu wa nyenyeri, washyizweho icyapa cyerekana ko ari uwanyuma mu isuku.

Umudugudu wanyenyeri uherereye mu gace gahanamye, aho ntabikorwa remezo gafite byinshi nk’imihanda. kegereye kandi ruhurura nini yampazi ikunze kunyuramo amazimenshi aturutse mu bice bitandukanye muri Kigali.

Umuyobozi w’umudugudu wa nyenyeri Maribagiza Chantal avuga ko nubwo ba shyirirweho icyapa kigaragaza ko bagira umwanda, ariko bari gukora ibishoboka mu kunoza ibitagenda neza ku bijyanye n’isuku, aho bari gusukura imihanda y’imigenderano iri mu mudugudu, gukuraho amabati ashaje ari ku nzitiro z’ingo z’abaturage, gushishikariza abaturage kunywa amazi atetse, kugira isuku k’umubiri no kubikoresho bakoresha.

Mu igenzura ryakozwe n’umurenge wa Gitega muri uku kwezi kwa werurwe ryagaragaje ko umugugudu wa nyenyeri uza ku mwanya wa mbere mu kugira umwanda mwinshi. Umudugudu wa Nyenyeri niwo wabaye uwanyuma n’amanota 15,5% .ukaba warahise ushyirwaho icyapa ndangamwanda. Umudugudu w’ubumwe niwo waje kumwanya wambere mu isuku na manota 87%.

Umwe mu baturage batuye muri uyu mudugudu Kamanzi Philbert akaba ari umwubatsi, yagize ati “ mubyukuri ubuyobozi ntabwo bwatubeshyeye kuko umwanda uba muri uyu mudugudu urakabije, ariko ubu turigokora umuganda buri gitondo tubifashijwemo n’ubuyobozi bw’umudugudu. birasebeje kumva ko umuntu atuye mu mudugudu uhiga iyindi yose mu kugira umwanda tugomba rero gukora ibishoboka icyo gisebo kikatuvaho.”

Mukandori Josiane umubyeyi w’abana babiri,ubarizwa muri uyu mudugudu, yagize ati “ kugira ngo ubuyobozi bw’umurenge burinde kumanika iki cyapa mu mudugudu wacu babonaga bikwiye. kuko umwanda byo urahari, kandi mwinshi ariko mbona ubuyobozi bw’umudugudu bubigiramo intege nke, mu gushishikariza abaturage kugira isuku. Nkubu usanga umuturage wese amena imyanda aho yishakiye mbese muri make umudugudu wacu urajagaraye cyane, kandi nafashe n’umwanzuro wo kuhimuka kuko sinakomeza gutura mu mudugudu wa mbere mu kugira umwanda birasebetse.”

Umuyobozi w’umurenge wa Gitega, Mutuyimana Gabriel asobanura ibyo bagendeyeho kugira ngo bamenye umudugudu wanyuma mu kugira isuku. Yagize ati “Nk’umurenge twashyizeho ingamba zadufasha kurandura burundu umwanda. Dukora ibarura mu midugudu yose igize umurenge, tureba niba bafite ubwiherero buzima, ibyobo bifata amazi, niba abaturage bafite amasezerano na za kompanyi zitwara imyanda. Imidugudu yabaye iyambere muribyo byose navuze haruguru twarayihembye ubaye uwanyuma twemeza ko tuzajya tuwushyiraho icyapa ndangamwanda. Kibigaragaza kugira ngo ushyiremo imbaraga, kuko nyuma y’ibyumweru bibiri tuzajya dukora irindi barura, twasanga umudugudu warurimo icyo cyapa warisubiyeho tukakijyana mu wundi wabaye uwanyuma.”

Ikibazo cy’umwanda ukomeje ku garagara hirya no hino mu gihugu ni kimwe mu byagarutsweho munama y’igihugu y’umushyikirano kunshuro yayo ya 15 iherutse ku bera Igabiro aho Perezida wa Repubulika Paul Kagame yasabye abayobozi bakuru b’igihugu guhagurukira ikibazo cy’umwanda ugacika burundu mugihe gito.

Hategekimana Innocent


Tanga igitecyerezo

Who are you?